黃宗澤歐洲封影帝

藝人黃宗澤（Bosco）憑《男人唔可以窮》勇奪第六屆歐洲萬象國際華語電影節「最佳男主角」大獎，他發表得獎感言：「《男人唔可以窮》中嘅每個人物都可令觀眾產生強烈共鳴，影片嘅社會影響同價值觀更值得年輕人關注同學習。」而陳偉霆亦憑此戲獲「最佳青年男演員」。Bosco接受本報訪問談封帝說：「喜出望外，好似提前收生日禮物咁！暫時未慶功，頒獎禮完咗都夜晚11點幾，又有時差，我好快返咗酒店休息，有同經理人喺房飲紅酒！仲未通知阿媽，不過我諗佢見到微博啲消息會好開心！」他亦多謝贊助商提供戰衣，令他型仔地攞影帝！