陳敏之2012年曾於無綫台慶頒獎禮奪得「最佳女配角」獎項，剛剛敏之亦於馬來西亞電視頒獎禮中，憑劇集《使徒行者》中角色奪得此獎，昨日敏之受訪時，坦言希望再接再厲，再奪得台慶「女配角」獎項。她說：「獎唔會嫌多，有得攞梗係好，可以同Benz（許紹雄）一齊攞就更開心，十年前同佢拍咗套劇，佢做我老竇，之後我就叫佢做老竇，而且我更希望佘詩曼『釘姐』可以攞女主角，《使》劇再攞埋『最佳劇集』獎，咁就最美滿。」
