阿姐分享 四師徒溫馨照

藝人汪明荃（阿姐）昨日在黃竹坑為無綫拍攝特輯，日前她出席「任劍輝女士逝世25周年紀念晚宴」，談到粵劇名伶白雪仙（仙姐）及愛徒龍劍笙（阿刨）盛傳「師徒不和」，阿姐即開腔粉碎傳聞：「仙姐當晚有同阿刨合照。（晚宴唔見阿刨入場？）佢好早到。（唔覺佢哋不和？）佢哋有咩不和？係師傅同徒弟！（之前阿刨開騷，仙姐都冇現身捧場？）阿刨之後仲有十幾場（表演），你點知（仙姐）唔去？老人家要時間安排！」阿姐更透露已把仙姐、阿刨、陳寶珠及梅雪詩「四師徒」溫馨合照上載微博，與大家分享。