張繼聰將楊怡歲數發羊光大
無綫新劇《逆戰塘西》演員楊怡、張繼聰、林夏薇與楊明等在電視城試造型。新劇以新面孔為主幹，孭飛飾演媽姐的楊怡笑言：「我唔覺得張繼聰係新人。多啲新鮮感好呀，孭飛就唔敢當，我都在學習中。張繼聰係好戲之人，期待合作，仲有楊明係我同期訓練班同學，合作一定好開心。」
同生肖洩密
而張繼聰首度擔正男主角，扮演30年代貪污的警察到處蝦蝦霸霸，問到擔正可有壓力？張繼聰笑言：「我套套都當正自己係男主角盡力去做，冇諗孭唔孭飛，已經做足準備工夫，睇好多30年代香港資料，了解當時背景。」張繼聰無意間又爆了與楊怡同屬羊年出世，洩露女人年齡的秘密：「呢套劇好多羊，有楊怡、楊明。我又係山羊座、仲同楊怡同屬羊添。」楊怡則尷尬地笑，並輕輕打了張繼聰一下作「懲戒」。
向梅姐偷師
而同劇扮演塘西妓女的林夏薇，於戲中需展現風情萬種，極具挑戰性：「都會睇《胭脂扣》學嘢，劇中仲要風騷勾引男人。」提到林峯以一億簽英皇進軍影圈，她大表支持：「屋企人都支持佢，希望佢發展順利。」
文：影視組