肉背樂基兒不敵纖腰子珊
與黎明曾扯上關係的樂基兒（Gaile）與徐子珊，昨日一同現身聖誕揭幕禮，剛宣布失戀的Gaile穿背部喱士透視短裙，身形仍然發福兼凸腩，難得她毫不介懷，笑指未有積極減肥，再加上聖誕節及新年即將來臨，故減肥計劃會押後。
Gaile透露將返美國度聖誕，屆時與家人煮大餐慶祝，問到今年是否過孤獨聖誕？Gaile笑謂：「我唔覺得係，反而好充實，其實咁耐以嚟都未試過，因為拍拖之外都可以同家人、同事食飯嘅，所以唔會驚。」談到與曾跟前夫黎明傳緋聞的子珊同場，Gaile坦言已非首次，更指兩人有在後台談近況。
而子珊以粉紅透視裙亮相，一招露纖腰輕易打低前黎明嫂Gaile，不過子珊仍大讚對方sweet：「我點都唔及佢，笑起上嚟個酒窩好甜，頭先大家都有傾偈。（有冇傾感情？）咁深入就冇。（佢知唔知你同黎明傳過緋聞？）咁耐之前大家都知，冇嘢，都係緋聞啫！」