嘉玲首任拍賣官割愛
劉嘉玲前晚現身慈善籌款拍賣會，更首次擔任客席拍賣官，被同場好友鄧永鏘大讚做得好，鄧永鏘的胞妹鄧霓儀亦幫手拍照。嘉玲有參與競投其中4幅藝術拍賣品，但最後均未能成功投得，嘉玲亦感可惜，問到是否投來送給自己的生日禮物？她表示：「拍賣會前已買咗一幅作品。（幾錢？）唔識計。（老公梁朝偉找數？）唔係，唔會要求。」
嘉玲透露下月會在港大搞生日會：「好多朋友嚟香港。（點解大搞？）舊年見朋友切蛋糕好開心，49歲，女人要做大（搞）。（有冇請王菲同謝霆鋒？）我請咗，睇佢哋嚟唔嚟。」提到鞏俐因一票之差而失落金馬影后，會否覺得唔抵？她直言要配合天時地利人和，鞏俐是她心目中的影后。
嘉玲透露本月尾參加高圓圓婚禮後，再到好友鄧永鏘愛女鄧愛嘉在北京舉行的婚禮。而鄧永鏘亦透露星期四會飛到北京準備女兒婚禮，邀請一、兩位皇族朋友，沒邀請太多自己的朋友，笑言女兒的嫁妝是無上限。