鄧麗欣下廚 同小方開火
鄧麗欣（Stephy）昨日出席飲食活動，自爆曾為男友方力申下廚煮意粉，最終竟然鬧交收場：「自從嗰次之後，我就冇再煮畀佢食，懷恨在心，係關於用咩器皿裝意粉（嗌交），搞到我冇晒Mood。」對於有傳好姊妹楊愛瑾（Miki）與郭永淳明年結婚，Stephy說：「冇聽過佢講，（如果係）佢會親口同我講，因為我一定做姊妹。」
出席另一活動的方力申就透露聖誕節將在北京度過，並預告與Stephy提早慶祝：「買聖誕禮物畀佢，之前佢生日冇送到，聖誕要送番。（打算送咩？）暖手包同把遮（現場售賣的慈善紀念品），170蚊搞掂！」提到Stephy最新血腥微電影被評定為三級，小方笑說：「唔係性感，係血淋淋嗰隻，其實個故事講乜？（殺男朋友！）哦……我……哋……好健康嘅！」
