翠如拒公開求婚 嚇到走佬
熱戀情侶蕭正楠（Edwin）與黃翠如愛得甜蜜，出席不同活動仍要隔空打情罵俏，Edwin笑言要黎耀祥讓出視帝之位和儲夠老婆本才會考慮求婚，而翠如就自爆若男友公開求婚會嚇到走佬！
熱戀情侶蕭正楠（Edwin）與黃翠如自爆出戀情以來都十分甜蜜，更情不自禁打情罵俏！受王祖藍在台慶上向女友李亞男公開求婚影響，Edwin昨日與黎耀祥、曹永廉、陳庭欣等現身葵芳宣傳無綫劇《名門暗戰》時，也被追問何時向女友黃翠如求婚？他說：「冇諗過喎，努力多幾年先啦，但我想私人啲，祥仔讓我攞個視帝先算啦！」至於有沒有計劃結婚？他直言「冇咁快」，因為要儲老婆本，又笑謂因黎諾懿贏得台慶獎金獎品100萬元，令他無機會儲老婆本。
降呢做普通朋友
提到與女友黃翠如的定情劇《師奶Madam》即將播出，被笑問豈非可以常常見到女友？他甜笑說：「想睇拍出嚟嘅多啲！」翠如曾表示《名門暗戰》中，黃浩然與胡定欣在劇中的定情戲份十分浪漫，Edwin說：「梗係浪漫啦！」並自言很難與之匹敵。
對於男友隔空傳情，翠如昨日在屯門出席活動時被問到有否計劃跟Edwin生B，她自爆尚有「好多steps 」才考慮生B，並說：「我同佢普通朋友。（男友降呢？）唔係，要起碼經歷過嘈交同打架呢的階段。」又笑言男友與曹永廉的結婚機會較大，大爆二人電話「講唔停」兼是對方男友。
慫恿求婚谷收視
問到若男友向她公開求婚呢？翠如表示會嚇到走佬：「會好驚。（驚到走佬？）好大機會！冇諗（結婚），如果呢啲都要自己諗就慘喇！」
昨日與蕭正楠同場的黎耀祥聽到Edwin表示若祥仔將視帝讓給他，就考慮向翠如求婚，祥仔笑言如屬實就請所有人投票給Edwin，又爆料指常常叫Edwin求婚，在適當時候谷收視。
文：影視組