JC安志杰連體 撐拳王耀金光
「警鐘胸」Jessica C.與男友安志杰同是超級拳擊迷，知道明早在威尼斯人金光綜藝館舉行「金光決戰2」拳王爭霸戰，其中菲律賓富貴拳王帕克奧決戰連勝20場的美國拳手阿爾吉里的賽事更是萬眾矚目，由於連場賽事在早上展開，二人為免錯過精彩對賽，甘願捱眼瞓搭夜船往澳門捧場。
今次在威尼斯人金光綜藝館的「金光決戰2」拳王爭霸戰全球矚目，連荷里活巨星史泰龍、阿諾舒華辛力加等也被吸引捧場，其他紅星還有前少女時代成員Jessica、李小龍女兒李香凝等亦會出席，至於香港明星就有JC、安志杰及王敏德等。焦點賽事要數菲律賓「富貴拳王」帕克奧（Manny Pacquiao）決戰連贏20場的美國拳手阿爾吉里，另外香港拳王曹星如亦會出戰，與來自印尼的艾賓奴‧沙保對賽，曹星如更將挑戰15場連勝的紀錄！由於決戰的世界級選手全都享負盛名，令賽事非常吸引，票價最高24,080元！為令更多觀眾能夠有機會欣賞賽事，大會亦設有880元門票。
親身為偶像打氣
一向是拳擊迷的JC早知其偶像菲律賓拳王帕克奧明日出賽，這亦是她首次看對方真人風采，其男友安志杰亦會陪伴捧場，由於連場賽事在早上八時展開，二人甘願今晚捱眼瞓搭夜船到澳門，以免錯過任何精彩對賽。JC昨日透過經理人說：「我不嬲都鍾意睇拳擊賽，早知道菲律賓拳王帕克奧會出賽，所以好興奮，禮拜六（今晚）做完嘢就過澳門，第二朝一早去睇，（安志杰都會去？）應該係，佢自己同班朋友一齊去，當放假去玩，（可能有機會見到史泰龍和阿諾舒華辛力加？）上次喺澳門見過史泰龍一次，仲影咗合照，今次唔知有冇機會再見到，因為賽事有好多場，我都好期待再見面。」
望跟帕克奧合照
王敏德受訪時表示很希望能夠與帕克奧合照，又大讚對方身型fit爆：「依家好多新嘅賽事，但我覺得boxing最傳統、最好睇，佢哋打boxing嘅人，身上無多餘嘅脂肪，身形好fit、好靚，以前我都有學過，依家冇啦，如果我可以fit番都會好厲害，哈哈！」
文：名人組