陳凱琳怕凍阿媽貼身煲湯

藝人陳凱琳（Grace）和黃智雯昨日隨無綫新劇《張保仔》大隊北上到橫店取景，兩人均表示首次到當地開工。有媽咪陪同拍攝一個月的Grace就坦言平日在港拍劇少見父母，今次媽咪全程跟實終可朝夕相對。問到會否怕悶親媽咪？她笑謂：「佢好鍾意睇我哋拍劇、睇成個製作點樣。媽咪都帶咗個煲去，有時可以煲下湯水畀我飲。」她又大爆劇組在無錫租了大船拍水戰場面，相信屆時一定會濕身，更大呻戲服薄怕手腳凍。臨入閘前，來送機的陳爸爸就攬實囡囡，依依不捨。