Rosemary出嫁曾撻Q擇日簽婚書

名模Rosemary經歷父母離異及情傷，早前她接受《好報》獨家專訪，自言因此影響對婚姻的信心，幸好遇上能共患難的中、印混血富商男友Jason，令她重拾信心。

連遊三國家

拍拖多年的Rosemary與Jason已到談婚論嫁階段，但兩人均很忙，沒太多時間討論婚禮事宜，令婚期一拖再拖，更因Jason父母不在港，而未能簽紙結婚。為此Jason安排了三個短途旅行作補償，地點分別是菲律賓、新加坡及泰國。

Rosemary已決心要在旅途中落實簽紙結婚日期：「不過結果都仲未定到日子，叫咗Jason畀個日期我，鎖定嗰日，叫埋佢父母一齊睇我哋簽紙。咪學上次咁，我爸爸返咗香港，但又冇簽到，好尷尬。」

Jason曾被拍得與Rosemary揀婚紗。（資料圖片）	由於Rosemary和男友都很忙，所以婚期一直未有定案。	Rosemary早前想與男友簽紙結婚，但卻臨門撻Q。

網店攻內地

旅行後，Rosemary重新投入打理時尚網店LuxTNT的業務，更透露有意發展內地市場，並打算於北京開設分店。她謂：「原本打算同一個意大利品牌合作設計手袋，再喺我哋個網度賣，但我同拍檔商量後，決定先喺內地打穩陣腳，所以我做設計師呢個計劃會延遲。」

文：名人組