李佳芯做小三博鬧

女藝人李佳芯（Ali）過檔無綫後機會不斷，最近在劇集《名門暗戰》中的戲份更相當突出，飾演岳華的情婦，對其妻子關菊英（菊姐）呼呼喝喝，奸到出汁！她指菊姐是其偶像，令她加倍緊張：「劇中我要對菊姐好衰，但一Cut機我就冇晒威勢，對住菊姐好尊敬，平時經常留意佢，觀察佢演戲同日常生活，發現原來佢唔係太食甜嘢。」
Ali劇中做岳華小三，呼喝關菊英。
Ali劇中做岳華小三，呼喝關菊英。

她直言今次與菊姐、岳華、張國強及黃浩然等好戲之人合作，令她獲益良多！問到多次演奸角，會否怕被定型？她說：「選擇咗做就要做到最好，有人鬧我仲好，即係畀人記得！大家睇我其他節目都會知道我真實一面。」

Ali不怕被定型奸角，覺得有人鬧更好。
  • Ali不怕被定型奸角，覺得有人鬧更好。