J.Arie升呢十項全能 幻化守護女神
雷琛瑜（J.Arie）將於新碟中化身成「心靈女神」Psyche，欲透過音樂喚醒人的靈魂，J.Arie更直言希望「升呢」成全能藝人，挑戰自己嘗試更多新事物。
歌手雷琛瑜（J.Arie）即將推出第二隻大碟《Psyche Voice》，新碟發布會更會破天荒在Apple Store舉辦，並會即場演唱九首新歌，希望能與歌迷和街客一同分享最新歌曲。J.Arie表示碟名中的「Psyche」其實是一位希臘女神：「中學時曾經有個話劇就係講呢位女神，佢專責守護心靈，將碟名命名為Psyche係希望碟中每一首歌都可以喚醒大家嘅靈魂，好似《冰島》咁希望喚起大家對社會嘅觸覺，會講到對一個地方嘅情懷。」
打波練氣
J.Arie講到最近在生活中，亦有自己的Psyche出現：「早排因為監製藝琛嘅推薦，睇咗一套叫《一切從音樂開始》嘅戲，成套戲就好似講緊我同佢相遇經歷咁，又係喺Band隊度發掘我，除咗當中嘅浪漫成分外，有90%都相似。」J.Arie直言即將踏入出道第二年感受良多：「過去以為歌手只係專注於音樂，但入行後發現觀眾對藝人嘅期望比想象中高。」問到J.Arie是否享受成為一個全能藝人？J.Arie笑言：「好享受，唔會因為咁而覺得壓力大，會正面咁做好佢。」
談到J.Arie平衡生活的方法，她直言是老生常談：「最近開始做番運動，除咗跑步同游水，前排仲去咗打排球。」J.Arie自爆波友都是40至50歲的前港隊成員，希望與一眾志同道合的波友重新打出新興趣：「其實做運動真係好好，又可以練氣又好開心。」
文：音樂組