陳智燊3年內娶宋熙年

陳智燊

無綫小生陳智燊（Jason）近年受無綫力捧，演出多部電視劇，近日他再度有份參與台慶劇《名門暗戰》，與黎耀祥、蕭正楠等人大鬥演技。他透露在劇中飾演表面自信滿滿的三公子，其後因被家人利用，令他患上抑鬱症，他說：「我都有上網睇下抑鬱症病人係點，導演都有叫我放膽去演，都有少少難。（抽離唔到？）喺片場有，但返屋企就冇啦。」Jason自爆在劇中會有「史上最激的咀戲」，叫大家要多多留意：「之前我拍嘅咀戲，都係好斯文，但今次真係好激，我覺得係入行以來最激嘅一次！（同邊個？）呢個唔講啦，畀大家等待一下！（有冇同女友備案？）有同佢講，佢都好贊同，話可能有突破。」

讚女友值100分

早前公開宣布與宋熙年拍拖的Jason，坦言希望在三年內可以娶得美人歸，問他為何選擇在宋熙年生日時公布戀情？他說：「其實我諗住舊年拎到飛躍男嗰陣喺台上開名多謝佢，但最後拎唔到。之後其實我都有喺微博講過，所以都唔算特登喺佢生日先講。（女友值幾多分？）當然係100分啦，屋企人都好鍾意佢！」

貴為無綫力捧的小生，陳智燊仍保持謙厚，一貫文質彬彬。

陳智燊與宋熙年的戀情相當穩定。（資料圖片）

文：專案組

攝：鄭家俊