王子涵學武益王晶片酬九折
一直有學跳舞的王子涵（Ada）早前與爸爸王晶在內地節目一起表演舞蹈，Ada說爸爸也建議她學武術，但指爸爸不會特別為她開戲，不過如真的有適合角色，Ada笑言會向王晶收九折片酬當優惠。
王子涵下周二24歲生日，一向孝順的Ada表示，生日願望是自己賺錢請家人去旅行。最近愛上日本卡通人物、啤梨精靈「船梨精」的Ada，更希望到日本購買這人物的精品，她笑言：「不過唔可以同爹哋去，佢行兩步就話要休息，咁我會冇得瘋狂掃貨！」
齊表演舞蹈
Ada早前參與內地節目《我不是明星》，在節目中與爸爸大跳騎馬舞，Ada表示初時不敢開口問爸爸願不願意幫忙：「開頭好驚被爹哋拒絕，點知佢一口應承咗，好感動！」
一直有學跳舞的Ada續說，打算學武術：「爹哋建議我學武術。（佢開戲畀你拍？）唔會特別為我開，不過有啱嘅角色都會搵我試鏡嘅，我哋兩父女喺工作上係大公無私，片酬我都會照收，最多畀個九折佢！」
唔介意全裸
問會否介意在電影中作性感演出？大膽的Ada揚言全裸都可以，底線是不露點。
文：名人組