黃榕貪新鮮盼出旅遊寫真
連續四年出寫真的性感女星黃榕（Gloria）可謂大前輩！她坦言害怕粉絲看到悶不再買，所以每次都會加入新意！來年她又會再接再厲，揚言會推出其首本旅遊書mix寫真，分享旅遊心得之餘又大騷索爆身材！
出性感寫真經驗十足的她指：「我每年都會出寫真，舊年已經係第四本，之後都會出，但會有新嘗試。我成日去旅行，想試吓出旅遊書，依家搵緊贊助商，希望出一本旅遊加寫真，可以寓工作於娛樂！」
面對寫真界的強烈競爭，Gloria就直認會擔心：「我會驚fans睇悶，所以每年都加啲新意，下一本就正正因為自己好愛旅遊，我會不停將自己新學嘅嘢，鍾意嘅嘢放入新書！」