葉麗儀開騷行善先籌50萬

葉麗儀坦言一個女藝人可以唱足四十五年是奇迹。

葉麗儀（Francis）適逢入行45周年，昨日在記者會上宣布將於明年1月21和22日，在灣仔伊利沙伯體育館舉行兩場《葉麗儀45年香港情演唱會》。她說：「因為1月先拎到個檔期，不過我係1969年4月開始唱，所以出年依然係45周年。」她又慨嘆時日如飛：「大孫已經7歲，細孫都5歲，所以我都覺得要好好把握時光。之前入行30、40年冇諗過搞，不過覺得一個女藝人可以唱到45年都係個奇迹。」

翻唱別人的歌

今次個唱同時會為一慈善機構籌款，昨日已有善長仁翁率先捐出50萬元，Francis希望當晚可以再籌多50萬元。她又指今次演唱會沒有表演嘉賓，但會請老友顧嘉煇、鄭國江等到場欣賞，兼翻唱別人的歌，如羅文和陳百強的作品。良久未試過開個人演唱會的她坦言因沒有檔期，故不會加場，不過未知會否開Part2：「做咗呢次先再諗啦，好有壓力。」

葉麗儀興奮舉杯，預祝演唱會可再籌更多善款。

顧嘉煇獲葉麗儀邀請睇騷。（資料圖片）

Francis的5歲孫仔曾患腦癌，她指孫仔現時已完全康復，又大讚新抱是世上最好的母親。她說：「孫仔因為錯過咗學行學坐嘅日子，所以依家仲學緊。但佢係個好開心嘅小朋友，成日笑，呢個係天賜最大嘅福氣。」

文：音樂組