譚詠麟做人辦開班教搞關係
有樂壇校長之稱的譚詠麟昨日率領37個演出單位出席十大中文金曲揭幕禮，阿倫對於鄧紫棋（G.E.M.）扮大牌惹禍，他覺得要學好人際關係，他是最佳人辦：「人氹人啫，我就係咁囉。」
昨日出席揭幕禮歌手有張敬軒、謝安琪（Kay）、官恩娜（Ella）、許廷鏗、連詩雅、洪卓立、鍾舒漫（Sherman）等多達37個單位，而校長譚詠麟則宣布獲頒首位「名人堂」歌手，阿倫看到一班新舊歌手雲集，卻是人多卡士弱，阿倫抵死笑謂：「以往有一半歌手我唔識，今年好啲有四分一唔識啫，軒仔、阿Kay、Ella都坐晒第一行，樂壇係貨如輪轉。」對獲成為「名人堂」歌手，阿倫笑言：「之前啲金針雲耳獎都攞晒，今次叫名人堂仲以為係龜苓膏嚟添。」
袋錢落G.E.M.袋
之後，阿倫大讚同場的林欣彤和何雁詩是新一代有潛質歌手，唱片公司應該好好栽培。講到現今不少唱得歌手紅了便耍大牌，如鄧紫棋（G.E.M.）？阿倫坦言：「有見到報道，但唔清楚咩事，咁佢係唱得嘅。（但人際關係差？）呢個係好深學問，慢慢學啦。佢幕後公司嘅人都要學，有好多嘢要識得彈性處理，唔係出面咁做，返到嚟（指香港）又要咁做，做娛樂圈人氹人啫，氹下人開心，我就係咁囉。」校長袋錢落袋？阿倫笑言：「使唔使開班教？（見到G.E.M.會提點佢？）每個人睇法唔同。」
盼前輩參與
至於軒仔昨日在男歌手中可說是「擔大旗」，但軒仔反而希望多些有分量的前輩歌手參與頒獎禮，記起入行時陣容鼎盛。另外，問到Sherman被大會安排坐第三行，可覺不受重視？Sherman稱不介意：「坐邊排冇所謂，唔係代表我嘅價值，清楚自己做嘅嘢，唔會咁影響到我。」
文：音樂組