藝人王敏奕昨日出席推動羽毛球活動，問到平日有否與男友曾國祥做運動？她表示：「佢鍾意曬太陽，我鍾意游水，佢成日話自己以前係咩球隊，但都未見識過，不過大家都好忙。」提到王祖藍在台慶向女友李亞男求婚，問王敏奕會否喜歡高調求婚？她說：「冇諗咁多，有就得喇，最緊要係心意。（想幾時結婚？）順其自然，我仲年輕。（老爺曾志偉冇催？）工作為先，我冇乜壓力。」
