杜琪峯寸栢芝唔夠專注

杜琪峯昨午身穿博士袍現身大學會堂，接受香港浸會大學向他頒發的榮譽文學博士殊榮，席間大會宣讀他對香港影業作出的貢獻，全場掌聲雷動，一眾圈中好友包括任賢齊、黃浩然、鍾漢良、劉兆銘及張艾嘉等出席支持，令杜琪峯相當窩心。

心情大佳的杜琪峯在儀式完結後接受訪問謙稱：「呢個榮譽唔係我一個人嘅功勞，當然要多謝幕後嘅同僚。（今日好多人嚟支持你喎。）真係盛情難卻。（之前你喺內地接受訪問，大讚高圓圓，但對張栢芝好似有啲微言。）我唔係批評邊個，圓圓係抵讚嘅，佢好純品，佢媽咪需要長期照顧，而圓圓就放低一切，乜都唔理，有個咁嘅囡囡，一定開心啦。」

杜琪峯獲香港浸會大學頒發的榮譽文學博士殊榮，表揚他對演藝界的貢獻。

汪明荃晚上與杜琪峯食飯慶賀。

「食啲咩、生啲咩囉……」

相反談到栢芝，杜琪峯坦言：「做人嘅嘢，做幾多、得幾多，做啲咩、得啲咩，食啲咩、生啲咩囉……好多嘢無謂講，大家知乜事。（唔同佢合作？）機會細啲囉，應該咁講，可能佢唔係咁適合，我嘅電影需要比較專注嘅演員。」據悉，栢芝剛出道時，與杜琪峯合作無間，惟2003年合拍《大隻佬》後即再無結片緣，未知中間是否有所誤會。記者就此事致電栢芝經理人Emily，惟截稿前未獲回覆。

黃浩然（左）與劉兆銘出席觀禮，親身支持杜琪峯。

高圓圓獲杜琪峯讚純品。

另外，杜琪峯昨晚與友人現身跑馬地一間意大利餐廳，食飯慶祝榮升博士，下午缺席的黃秋生及汪明荃亦相繼現身。身為主人家的杜琪峯一度乘車離開，原來是趕往大會官方祝捷會，然後才折返，一眾好友則悉心為他準備了用「書」砌成的特色蛋糕，上面印上了他曾執導的電影名字。

文：影視組