李桂蘭被蒙在鼓裏
名媛李桂蘭昨晚出席慈善晚宴，甫到場即被傳媒包圍，對於兒子戴尚安突然在Instagram公布與女友謝婷婷分手，她謂完全不知情：「早排去咗觀瀾湖，今朝先喺上海返嚟，你哋問番佢哋。（之前佢哋有冇問題？）相處都OK，有傾電話，冇乜問題。佢哋嚟緊會出席活動，你哋問番佢哋啦。」
問到會否感到可惜？李桂蘭說：「唔會，佢哋都仲係好朋友。（新抱茶遲啲飲？）慢慢，係佢哋揀大家。」至於會否同兒子傾談與婷婷分手的問題？她說：「傾咩？識個新嘅就會行咗去，呢啲唔使講，如果有日佢想訂婚會同我講。（Instagram公布都冇同你講？）我諗佢會話我知。」另外，記者致電謝婷婷爹哋謝賢，他決絕地說：「家事我唔會講。」之後匆匆收線。
