迪子做獨腳戲 化身時間精靈
歌手迪子跟合作3年的唱片公司「和平分手」後，好運接踵而來，除有機會擔任微電影女主角外，商演機會更多，令她有動力繼續在星途發展，但飲水思源的她說沒後悔簽舊公司，只覺得這是新人必經的階段。
創作女歌手迪子早前低調跟唱片公司「分手」，她回顧過去合作三年的日子謂：「其實有公司同冇公司分別唔大，因為舊公司唔係大公司，資源分配又唔多，好多嘢都係靠自己，的確合作時係有啲拗撬，但我冇後悔簽舊公司，因為冇當初點有現在，呢啲都係人生必經階段啫。」問她沒有公司照顧可減少工作？她開心謂：「咁又冇喎，可能啲人覺得我慘，又或者想幫我啦，所以反而多咗人搵我做嘢添。」
滴眼藥水谷淚
早前她有幸擔任微電影唯一的女主角，在片中她飾演如「時間精靈」的角色，帶觀眾穿梭時空，問她初當女主角可遇到困難？自認演技幼嫩的她表示：「因為冇其他演員，我要對住空氣演戲，最難係拍喊戲，原來滴眼藥水都好高技巧o架，因為我對眼好吸水，滴咗好多次都流唔出眼淚，工作人員就嚇我，如果再搞唔掂滴藥油喇，好在最後都『喊』得出。」
對音樂仍有火
問她是否棄歌從演？她說對音樂仍有團火，雖沒有唱片公司，但本身有一隊crew合作，故會繼續努力賺錢做她最想嘗試的非主流音樂，同時亦會作多線發展，她說：「雖然唔會樣樣精，但起碼會樣樣識，咁先可以有機會走下去。」
文：音樂組