周汶錡「變招」試人工受孕

藝人鍾嘉欣、黃翠如、林海峰、周汶錡（Kathy）昨日為時裝店開幕活動擔任特別嘉賓，Kathy結婚兩年多，一直努力造人，但遲遲未有好消息，昨日再被追問時，她摸摸肚說：「由年頭被人問到年尾，你見我個肚咁扁就知，我會努力。（會否接受人工受孕？）會再努力啲，如果時間唔許可，都會試吓，呢樣嘢依家都好普通，我知陳君宜佢都人工受孕有咗，好恭喜佢。」而被問到妹妹周麗淇婚期，Kathy說：「你哋快啲催吓佢，佢男友好好，好sweet、好有禮貌，兩個好襯。」

林海峰矮一載

另外，林海峰被安排與Kathy齊出場，即時矮了一載，合照時他還刻意企高一級，問他是否感到自卑，他說：「我覺得自豪，有咁多靚女一齊。（美中不足自己唔夠高？）唔會，再高留番畀模特兒。」林海峰續表示讀書時曾在此店舖做兼職售貨員，今次出席感覺好似回母校。

鍾嘉欣與黃翠如賀新店開幕。

Cara G.（左起）、湛琪清和Jocelyn示範新裝。

嘉欣氣功排毒

而鍾嘉欣面上長了不少粒粒，她解釋因最近練氣功所致：「練氣功會幫你排毒，調理五臟六腑。（有否與男友伍允龍一齊做？）冇，我係初級班，驚吸咗佢嘅氣。」

問到有指她不續約無綫及有意退出幕前，嘉欣否認其事，透露與無綫還有幾年約，希望事業上有更大突破。有指她不續約是以退為進？她說：「我唔係有計謀、有招數嘅人，喺公司十年，真係好開心，學到好多嘢，希望事業更上一層樓，仲有好多突破角色想做。（係咪攞咗視后先結婚？）咁又唔係，視后隨緣，結婚生仔好講timing，生BB前仲有好多嘢想做。（與男友有共識？）我係有共識嘅人。（婚後再做都得？）如果結咗婚未必百分百投入到，會有其他嘢做。」同場還有名模Cara G.、Jocelyn和湛琪清。

文：名人組