胡杏兒 speed dating尋幸福

藝人胡杏兒昨日與趙雅芝出席慈善活動，二人同是11月生日，獲大會送上生日蛋糕。提到杏兒前晚出席預祝好友胡蓓蔚的生日會，並送上cupcakes，她說：「我親手整咗3日，因為要試吓，怕唔好食，行晒港九新界買材料，畀狗仔隊影到，怕畀人話我睇中醫。」早前杏兒被好友爆有男朋友？她澄清說：「我冇男朋友，我都想有。我戥Ella（官恩娜）開心，好幸福，大家同期，一齊做過許冠傑演唱會嘉賓，都會傾偈講吓愛情嘢，佢依家搵到個咁好、咁靚仔男友，好開心。」

當識多個朋友

當記者再追問她的男朋友，她就立即轉移話題自爆不介意參加speed dating：「Ella係咪真係speed dating識（另一伴）？如果係我都唔介意，依家係先進社會，有機會，無所謂啦，無話相唔相睇，識多個朋友。（係咪心急？）唔係，單身都OK，身邊嘅人開始為我心急。如果影到我與唔同男士出街，就唔使咁緊張同surprise 。」

杏兒花三日時間為胡蓓蔚（右）製作生日蛋糕，令對方大為感動。

11月生日的趙雅芝（左）與杏兒一同獲贈蛋糕，她坦言不心急飲新抱茶。

唔急飲新抱茶

而同場的趙雅芝本月15日生日，她透露生日要分幾日食飯，留一日給家人。問到花甲之年會否大搞慶祝？她說：「我都唔記得自己係咩年，唔會喇。（生日願望？）人人心想事成。（係咪想快啲飲新抱茶？）順其自然，急唔嚟。」她亦透露兒子黃愷傑會入行做演員，正考慮簽邊間公司，但強調自己不會做兒子的經理人。

文：名人組