長腿嘉桓戰10K 線動陽光男
擁有一雙長腿的藝人陳嘉桓（Rose），明年首次參加馬拉松賽的10公里（10K）賽事，她正積極備戰，更無意間練出夢寐以求的馬甲線，單身的Rose又說喜歡陽光男孩，且看她能否憑馬甲線吸引到裙下之臣。
有功夫底的陳嘉桓（Rose）明年一月首次參加10公里賽事，她最近已開始接受體能訓練應戰，並很有信心於一小時內跑畢全程：「我有跑步習慣，不過上完訓練堂同向導師取經後，先發現自己之前連熱身拉筋運動都做錯晒，明白點解跑極都咁慢同跑到腳痛，依家識跑就要努力儲里數。」
嚴選跑步裝備
Rose又說選跑步裝備不能馬虎，因會直接影響表現：「要揀專門做運動嘅背心同風褸，因為啲褸真係會幫你計埋風速。」
弗爆的Rose指密集體能訓練令她有意外收穫：「依家除咗一星期最少上一次體能訓練堂，好多時仲會喺屋企附近慢跑練氣，點知喺呢啲訓練入面，無意中畀我練到一直都想有嘅馬甲線，真係有心唔怕遲，下年可以騷吓。」她續說自己腳長，希望可憑此優點跑出佳績。
另外，單身的Rose不急於拍拖：「唔知係咪早入行見得太多人，我覺得緣分唔恨得咁多，有時話嚟就嚟，冇得控制。（有咩擇偶條件？）笑容好會吸引到我，因為我樂天同鍾意笑，所以陽光男孩會啱我多啲。」
場地：Leap
服裝：Adidas
文：名人組