Jeana想追星集郵
碧咸魅力沒法擋，不少香港女星都是他的粉絲，得知他秘密來港均感雀躍。o靚模何佩瑜（Jeana）坦言得知偶像現身荔枝角後，有衝動到該區見他。Jeana說：「勁多friend叫我去追星，不過我要開工，所以去唔到。唔緊要啦，希望佢可以快啲再嚟，下次一定要集佢郵！」
無綫小花高海寧與苟芸慧大讚碧咸靚仔，若有機會必捉着偶像合照。高海寧謂：「其實以前做南非世界盃時都見過佢，當時我做緊嘢，而佢就坐喺場邊睇波，當時冇機會影相，（覺得可惜？）咁我都算同佢同一時空出現過吖！」而本地男神馬國明亦被碧咸「迷倒」：「見到佢我當然希望同佢影合照，不過未有機會見過佢真人。」
