林欣彤充滿愛心sing抒情

「小巨肺」林欣彤（Mag）相隔一年再度推出個人大碟《MOOOOODY ME》，曾飽受失聲和抑鬱症煎熬的Mag自爆過去慣於獨自解決問題而導致壓力爆煲，Mag在康復的過程中學懂珍惜眼前人，更學會以歌曲表達出自己的內心世界。

林欣彤（Mag）第四張專輯《MOOOOODY ME》正式面世，當中的五個「O」代表了五種截然不同的情感，包括：熱情、幸福、心酸、哀傷、麻木，她表示新碟主要講述身邊的人對她的愛：「我其實係一個咩都鍾意攬晒上身嘅人嚟，但當我嘅承受力去到盡頭嘅時候就發現唔得喇，有啲事靠自己係解決唔到，我需要身邊嘅人去幫我。」

感恩獲鼓勵

提到新專輯其中一首歌《光源》，Mag希望借用歌曲去表達對家人、朋友的愛和感激：「我想多謝佢哋每一個光源所帶畀我嘅鼓勵，雖然我傾向少同佢哋講我唔開心嘅內容，但有時候食一餐我媽咪煮嘅飯同飲碗湯我都會好快無事。」這首歌所代表的是幸福和熱情，Mag認為熱情不一定只有性感：「你見到屋企人想攬下佢哋、錫下佢哋其實都係一種熱情嘅表現。」