唐詩詠奪湯鎮業處男姦戲
唐詩詠於上海拍劇，由陳煒做嚮導，帶她四處遊覽，更充當她的私人攝影師，而詩詠在劇中有場遭前輩湯鎮業強姦的戲份，對方首次拍強姦戲，反而詩詠經驗十足，故拍攝時並不尷尬。
唐詩詠與馬國明、陳煒、湯鎮業等於上海拍攝無綫劇集《梟雄》，詩詠劇中飾演湯鎮業的「妹仔」，她大讚這位前輩很好、很照顧大家，經常開玩笑搞氣氛。詩詠透露之前在港拍了一場被湯鎮業強姦的戲份，原來這是湯鎮業的第一次姦戲，唐詩詠笑謂：「佢話佢係第一次，我就當然有經驗（拍姦戲），所以配合得好好，好快拍完，可能大家之前不太熟，首次合作就拍呢啲戲，所以都唔會太尷尬。」
陳煒做嚮導
首踏上海影城的唐詩詠坦言大開眼界：「我啲戲份通常同馬明、陳煒同湯鎮業一齊，今次第一次去上海影城拍嘢，啲街景好靚，好呈現到舊上海感覺，見到都好興奮。」每當有拍攝空檔，詩詠都會四出遊玩，更獲陳煒帶路遍尋美食：「我鍾意食生煎包，佢帶咗我去食，去到上海一定要去外灘，今次真正第一次去閒逛，風景好靚，煒哥仲充當我嘅攝影師，幫我影咗好多相！」
文：影視組