Yuki Lovey午飯獻sing似野餐
新進唱作人Yuki Lovey為連續七星期在太古舉行的《音樂．漫遊Thursday．Live午間音樂表演》作其中一場演出，吸引不少上班族邊吃lunch邊聽歌，現場更有不少外國人駐足欣賞，勁有feel！
首次在這環境下演唱的Yuki表示，能在大廈林立的鬧市中演出，感覺非常特別：「好多呢類型嘅表演會喺元朗或一啲比較遠嘅地方，喺市區係第一次，善用咗啲草地，大家好似喺郊外野餐咁，好舒服、好輕鬆！」
Yuki直言非常喜歡與觀眾作近距離演出，因可以有更多互動、更投入音樂，她謂：「唱得好開心，我睇到觀眾嘅眼神，好似喺度鼓勵緊我咁。」