紅姑為青霞操刀壓力大

性感女神鍾楚紅（紅姑）昨日出席《海港城×香港血癌基金會「聖誕火車站」慈善籌款活動揭幕禮》，現場有跳舞表演助興，而紅姑由外籍男模挽住出場，男模主動拖手及攬腰與紅姑擺出跳舞姿勢，及後紅姑亦與兩名小朋友裝飾聖誕火車薑餅，場面溫馨。

提到早前到大美人林青霞壽宴？她直言：「好盡興，分享佢最美麗之夜，佢開心，我開心，佢話係佢最開心嘅一日。禮物佢話唔收，不過我會搵禮物後補送畀佢，我會揀我啲相送畀佢，佢都好支持我。」

紅姑由外籍男模挽着出場。

林青霞（左）對紅姑的慈善相展大表支持。（資料圖片）

自然美景襯托

問到可會為林青霞操刀影人像照？她直言：「佢已經問咗我，應承咗。（出埠影順便旅行？）仲諗緊，計劃吓，有個咁靚嘅model。（用乜主題背景？）自然美景，係我眼中嘅佢。」問到會否感到有壓力？她笑言：「有，影得佢唔靚就大壓力。」她亦透露經常到處影相，感覺好自在，亦希望再舉行相展，沒有時間限制，展示心中想表達的作品。

另外，紅姑亦透露喜歡過白色聖誕，今年亦打算與家人及好友過白色聖誕，提到會否同男朋友過？她笑言：「朋友就一大堆。」

文：名人組