81歲夏蕙BB搵錢做救世主
黃夏蕙之前成為全港首位搞「生前喪禮」的藝人，前晚「死過翻生」的她自掏荷包大搞81歲壽宴，她的生日願望是世界和平，人人有飯食，更想開老人院幫助有需要的人。
夏蕙BB於前晚正日生日舉行其81歲壽宴，自掏荷包於佐敦某酒樓筵開三十多席，宴請親友食飯慶生。雖然六位親生仔女之前已跟她食過生日飯，沒有出席，但圈中好友洪金梅（祥嫂）、契女艾美琦（Amy）及性女Vienna都有到場祝賀，不久前夏蕙BB才穿上閃爆壽衣瞓水晶棺材大搞生前喪禮，現時又「死過翻生」搞壽宴，認真百無禁忌。
黃集鋒即場上契
期間亞洲先生黃集鋒率領一眾男女即席向夏蕙BB斟茶上契，更向契媽送上「金BB」賀壽。之後她與老公潘炳烈在台上合照及切蛋糕，場面熱鬧。夏蕙BB很感激老公的忍耐和包容，讓她有安樂茶飯食。問到老公送甚麼禮物？蕙姨BB笑謂：「送心得啦。（送吻？）呢啲成日都有啦。」說到生日願望，她希望世界和平，人人有飯食，更想接多些job，好讓她能開老人院。問投資多少？她說：「唔講錢，話開就開，依家籌備緊，會揀新界區，因為平啲，偏僻啲都唔緊要，暫時開住一間先，我會獨資做，希望多啲人幫手。」
此外，當祥嫂現身時引起哄動，她上台時向賓客說：「我代主家講唔好意思，咁混亂，招呼唔到。」夏蕙BB則指感謝好姊妹賞面撐場時，祥嫂即打趣道：「唔係撐你，係錫住你，見你80幾歲，身體健康啦老友，最緊要開心。」
文：影視組