阿Sa回味忘年戀 秋生：鬼揞眼
黃秋生與蔡卓妍（阿Sa）在新片中演繹一對愛情似有還無的忘年知己，演出過後阿Sa大讚秋生：「好得！」秋生則以「好似阿伯突然見到好陽光與海灘嘅女仔咁」形容戲中與阿Sa談情的感覺，更笑問阿Sa他是否「仲有機會？」隨後又搞鬼說自己是鬼揞眼。
黃秋生與蔡卓妍在新片《大茶飯》中合作，導演李保樟更寫了一段秋生、阿Sa及黃又南之間的三人感情關係，阿Sa要與秋生演繹一對愛情似有還無的忘年知己。
讚好Cute好得
談到戲中的三角關係，阿Sa說：「同秋生、又南都有少少感情戲，但唔係好深入，係陰差陽錯，有啲啲感覺嗰種。（兩男爭一女？）佢兩個都唔算係爭我，秋生哥係大佬嚟，都唔使爭喇！有場戲講秋生對我突然有感覺，秋生演得好後生，好Cute、好得、好搞笑！」
秋生聽到阿Sa讚他後生和Cute即說：「今次我好似阿伯突然見到好陽光與海灘嘅女仔咁，拍嘅時候都有感動到我，又掟波波，又講我哋去飲酒，拍我哋玩嗰啲Game，我呢世人都係第一次玩，唔係拍呢套戲，我都唔知原來有呢啲Game，我覺得自己好似拍緊愛情電影。都好想睇番晒成齣戲。（被阿Sa大讚有乜感覺？）咦！我咁都得，咪即係仲有機會？冇啦，講笑啫，鬼揞眼！」
兩海報均採用
另外，昨日有指秋生於內地版《大茶飯》（內地片名《潛龍風雲》）的海報，原本以秋生為主，突然改為阿Sa，但其實兩個版本均有採用。秋生經理人霍汶希指合約訂明電影海報均要讓經理人公司過目，她只看過有秋生的版本，至今內地亦一直沿用該海報。另有指該片原本沒有預在內地上映，故秋生片酬亦「收順啲」，如今卻在內地上映，令秋生變相收平。霍汶希說：「佢哋以引進片方式引入內地，明白收入始終不及合拍片好，最緊要支持電影業。」秋生亦直言「啃」得起，將來可賺回來。現在他正斟洽五部電影，當中有內地資金電影。
化妝：Circle Cheung（ndnco.co）
髮型：KateShek @ Hair Culture
服裝：@ITHK
化妝：Jolinn Ng
髮型：Jeff Wu
服裝：Bauhaus
場地：星影匯 The Metroplex
文：影視組
攝：劉賓