男友唔得閒 杏兒被踢爆

昨日35歲生日的胡杏兒，與舊愛黃宗澤分手兩年多的她，雖然緋聞多多，惟一直未見有穩定的另一半出現，幸好杏兒人緣極好，前晚一眾圈中好友鄭嘉穎、鍾嘉欣、陳敏之、李詩韻、馬賽、單立文、王君馨、傅嘉莉、伍詠薇夫婦及曾和她傳緋聞的李思捷等於中環一夜店包場陪杏兒切蛋糕，場面相當熱鬧。壽星女一早神秘到場招呼朋友，玩至凌晨兩點始略帶醉意地由曾傳緋聞的同性女助手拖實離開，期間不停叫大家「小心、多謝、多謝！」

伍姑娘幫手「兜」

杏兒好友陳敏之到場時被問到杏兒男友會否到，她口快快地說：「唔會呀！佢唔得閒。」無意間踢爆杏兒有拖拍，其後伍姑娘和老公離開時即代為護花，幫手「兜」，伍姑娘說：「佢單身，成晚都係得佢一個，邊有男朋友。（敏之話佢有男友？）乜佢咁講嘢。」

鄭嘉穎	（左起）王君馨、黃智雯、趙希洛	伍姑娘與老公練海棠拍拖到場。

敏之忘記已為人妻

記者昨日致電問到陳敏之踢爆杏兒拍拖，她說：「唔係，嗰陣個記者問我男友嚟唔嚟，我唔記得自己結咗婚，所以咪咁答佢哋。」壽星女杏兒接受訪問，坦言很開心，有如此多朋友陪伴覺得幸福，問到幾時拍拖，她笑說：「你哋仲緊張過我啦！」

曾和杏兒傳緋聞的李思捷全程戴黑超示人，心情麻麻，與單立文嗲兩句。

陳敏之可能太開心，無意間踢爆杏兒有拖拍。

文、攝：追蹤組