黎耀祥香香愕然
與郭羨妮在劇集《無雙譜》中合作的黎耀祥和岑麗香均對拍檔流產感到愕然，黎耀祥昨晚出席荃新天地亮燈活動時，表示拍攝《無》劇時未有察覺郭羨妮有異樣，他說：「我哋仲有一齊食飯，當時都傳佢有喜，但我唔好意思問。佢仲咁後生，繼續努力就生幾多有幾多，唔使擔心，冇事嘅。見到佢都會問候佢。」問到是否拍劇太辛苦令郭羨妮過度操勞，他說：「唔算辛苦，都冇返內地拍，今次可能係其他問題，希望佢冇嘢。」
而岑麗香表示不清楚郭羨妮小產，她說：「因為同佢冇對手戲，通常只係化妝間見到，亦冇留意到佢有冇失落心情。（會否慰問郭羨妮？）我冇佢電話，希望佢同家人可以快啲回復心情。呢啲係佢私人事，相信佢想講就會講，錫佢嘅人會令佢安心舒服。」
