謝賢唔知霆鋒賺過億
藝人謝賢（四哥）昨日出席熨斗品牌活動，提到兒子謝霆鋒與王菲復合，近日更頻頻北上會王菲，他笑言與霆鋒不稔熟，又坦言跟對方一、兩個月不見，問霆鋒是否掛住拍拖？他說：「我掛住自己拍拖。」對於霆鋒成為上市公司大股東兼賺過億，他笑道：「唔知，咁我咪可以有着數？佢之前有醒我，但唔夠多，要佢醒到我點頭，唔使億億聲，求其夠使就夠。」
談到兒子愛情事業兩得意，他直言戥對方開心：「大個仔喇，再唔搵錢養唔起我，我好爛使，有幾多使幾多，依家無後顧之憂，仔女唔使我理，老婆又嫁咗。」問到是否恨再飲新抱茶？四哥笑謂：「可能我死鬼咗，我都嗰頭近。」並謂未知女兒謝婷婷是否將結婚。