黎耀祥 胡定欣盛裝舞暗戰
無綫台慶劇《名門暗戰》今晚出街，昨日眾演員包括黎耀祥、岳華、關菊英、胡定欣、邵美琪、蔡思貝等盛裝到淺水灣翩翩起舞為劇集力谷宣傳。胡定欣以吊帶連身裙性感亮相，蔡思貝則以Tube dress示人，但最性感的要數以低胸裝亮相的人妻陳自瑤。
挽留胡杏兒
祥仔對《名》充滿信心，但對再攞視帝則要看民意。對於迎戰香港電視開台，祥仔謂歡迎挑戰，認為有競爭才有進步。對於有傳胡杏兒有意約滿離巢？祥仔也幫口挽留說：「返大陸都係搵快錢、搵食，但係就學唔到嘢。杏兒係好對手可塑性好高，再留耐啲進步更大，TVB係一個磨練嘅好地方，希望佢可以兩方面兼顧啦，如果撞到佢都會同佢傾吓。」
劇集望提名
性感搶鏡的胡定欣坦言劇集出街感到緊張，她仍未知台慶頒獎禮會有甚麼提名，但希望《名》能提升人氣參加頒獎禮。
另問到前晚欣賞緋聞男友鄭俊弘演唱會的蔡思貝，為何一早離場，是否怕撞見姜麗文感尷尬？她說：「唔係，因為趁拍劇空檔趕嚟支持，大家係朋友，之前嗰啲緋聞嚟啫。」
文：影視組