鄭中基食煙囡囡嫌臭
影星劉心悠和鄭中基（Ronald）昨日在九龍出席電影《奇緣灰姑娘》首映禮。戲中躁底的心悠表示平日都會心情差，但「鬧人就唔會」，Ronald聞言後卻說：「係咩？好自然喎你鬧得我。」心悠笑指戲中講普通話對白，所以特別自然。
Ronald又表示常被囡囡怪責：「我成日走去食支煙，返嚟佢離遠就聞到，就話我咩味嚟o架呢啲，跟住就掩住鼻標入房。」已有20年煙齡的他正為囡囡戒煙，問戒煙是否很難？他謂：「如果唔開工都OK，開工成日喺度等，冇嘢做就有個藉口食，已經唔攞煙去現場喇，但現場好多衰人，係咁叫我食支啦食支啦。」問心悠與Ronald拍咀戲會否聞到煙味？她笑謂：「唔記得喇！」