軒仔曬黑增搵銀能力
張敬軒昨在《新城勁爆頒獎禮2014》記者會上先拔頭籌獲頒《新城數碼音樂台－最欣賞歌曲》獎時，他表示開心之餘，已準備新裝出席四個頒獎禮。
軒仔又聽聞有不少藝人在內地較北方的商演被取消，幸好他未受影響，已接了不少內地倒數活動，但相比往年，收入確減少了20至30％，他覺得跟內地嚴打貪污有關，令商演騷減少。問可會考慮多接外地騷？軒仔笑言：「馬來西亞？試過有當地人同我講馬拉話，我膚色又未夠黑喎，可能要曬一曬（黑）啦。」
而謝安琪成立新唱片公司後，自任監製的首張唱片成績理想，更獲新城頒發《新城勁爆年度專輯》獎，她表示：「出碟嗰排唔喺香港宣傳，但有咁好成績好感恩。」談及老公張繼聰在無綫劇中的「震波猜枚」秘技成佳話，謝安琪謂：「好多媽咪級叫佢做『聰聰』，仲送飛吻。」AGA和Gin Lee合唱的《一加一》則獲《新城勁爆播放指數大獎》。