國際盛事《2014年觀瀾湖世界明星賽》早前在海口舉行，邀請不少紅星出席，包括荷里活影后妮歌潔曼（Nicole Kidman）、韓國組合少女時代前成員Jessica、甄子丹與太太汪詩詩、楊千嬅等，紅星雲集，時裝作家Janice就最欣賞汪詩詩，黑色喱士tube dress傘裙襯上誇張鑽石頸鏈，大讚她穿得最時尚貴氣！
「黑色喱士tube dress嘅傘裙剪裁好靚，而且詩詩識得配搭珠寶，恰當地佩戴誇張鑽石頸鏈，而高踭鞋款式好時尚，成個感覺好高貴時尚，係一絲不苟嘅配襯，同着黑色西裝嘅子丹非常匹配！」
「顏色同圖案永遠係最搶鏡嘅元素，所以珠寶首飾方面就可以簡單得多，因為身上衣服已經成為亮點，千嬅呢個造型唔錯。」
「無論肩頸或手部都好空蕩蕩，建議運用多啲Accessories配搭，不論係人造首飾抑或珠寶，令服裝上有亮點。Accessories可以誇張啲，影相會上鏡好多，令打扮上突顯番個人風格。」
「幾靚，愈來愈有女神感覺，幾有心機去打扮，衣服配搭方面，知道邊啲位要加嘢，邊啲位唔需要，佢都掌握得好好，條裙嘅顏色亦好清新亮麗。」
「雖然有戒指同手鈪配襯，但露肩裙係預留空位佩戴頸鏈，偏偏就漏空咗呢部分，對於行紅地氈，呢個造型較為單調、平淡咗啲。」
「黑色雖然係行紅地氈嘅穩陣顏色，亦有用上喱士物料，但加埋圓領同長袖剪裁，出嚟嘅效果未免保守咗少少。」
Profile
王麗儀（Janice Wong），時裝作家，是十六年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。