JC黑乳襲中環 拳王護花

Jessica C.、安志杰、伍允龍、袁嘉敏及張馳等前晚悉心打扮到中環出席萬聖節派對，順道為主演的「太陽娛樂文化」新片《屍城》宣傳。勁谷湯碗胸的JC，自稱造型參考西片《黑魔后》，她與上身勁谷巨胸，下身短裙仔配魚網絲襪的袁嘉敏，均有着令男士抖不過氣的懾人效果，JC說：「我呢身裝扮係參考咗安祖蓮娜祖莉嘅《黑魔后》造型，我今晚係Queen（王后）！（性感夜蒲，唔驚蝕底？）唔驚，有安志杰同伍允龍兩位強壯嘅男士保護我，我係Queen（王后）嚟o架嘛！當然有人保護。」

伍允龍化骷髏骨妝

安志杰這晚表情不多，不苟言笑，原來是為了入「戲」，他說：「我今晚扮漫畫《北斗之拳》主角拳四郎，我好想飲酒呀！（飲完用北斗之拳打人？）唔會，我飲醉咗係好友善嘅！（唔怕女生誤會你嘅友善，以為你想追佢？）應該唔會！」

安志杰（左）扮cool學足漫畫人物拳四郎，而伍允龍（右）的骷髏骨look亦同樣入型入格。

（左）尹蓁晞（右）黃榕

伍允龍則讚安志杰說：「佢扮拳四郎，仲大隻過漫畫版！（你幫佢諗？）唔係，係佢自己度，我呢身骷髏骨look，就係我睇完youtube，好鍾意，自己化嚟去party。」

黃榕失戀再遇賤男

同場o靚模黃榕、仙樂都及尹蓁晞等，各有各露，黃榕自爆：「我扮《美少女戰士》嘅豆釘兔，最近失戀，對方喺內地做幕前，玩失蹤，朋友話我聽佢成日風流快活。（對方得到你個人就失蹤？）我條命唔好，成日遇賤男！」

文：影視組