JC數月冇見男友
早前有傳因拍攝電影《屍城》與安志杰戲假情真的「警鐘胸」女模Jessica C.（JC），曾坦言對方是她杯茶，被其肌肉所吸引，前晚她出席生日派對，更暗示跟男友情轉淡，大家已多月沒見面。
JC表示現忙於電影宣傳，未有見男朋友的計劃：「已經幾個月冇見佢啦，相對男友，我反而掛住姨甥多啲，我嚟緊會返美國六日，參加姨甥兩歲生日會，（唔掛住男友？）我慣咗，佢都冇投訴我太忙。（佢有冇計劃嚟香港？）冇，佢工作都好忙。（唔怕感情有變？）冇得怕，要變嘅話都係順其自然。」跟當初熱戀時整日表示很掛住男友是兩種口徑。