徐子淇被女彈思想落伍

為迎接萬聖節，子淇透露在出門前已為三名子女化裝，但卻被大女指她思想落後：「今年大女扮巫婆，二女扮蝙蝠女，細仔就扮蜘蛛俠，我幫大女準備掃帚扮巫婆，點知佢同我講依家時代唔同，現代係用吸塵機，飛得快啲，都唔知佢睇咩古仔睇番嚟，但佢今日真係拖住吸塵機出街。」

問到丈夫李家誠可有扮鬼湊熱鬧？她表示：「今晚唔會，因為佢要出席活動，佢自己唔太鍾意扮，但有試過扮科學怪人，由我親自操刀幫佢化裝，小朋友見到都好驚。」雖然今年因工作未能陪伴三名子女慶祝萬聖節，但她已吩咐家中工人姐姐準備糖果給小朋友，但就落定「柯打」不准多吃。