Ana R.5B計劃明年動工
10月29日生日的名模Ana R.前晚舉辦慶生派對，除有不少模特兒及圈中好友現身祝賀外，還獲丈夫Brad於鏡頭前親吻面頰，壽星女隨後更透露早前已為自己購買懷孕保險，計劃在明年開始「動工」生B，又笑言希望生夠五個！
名模Ana R.前晚舉辦35歲生日派對，名模姚書軼及伍靜麗、星級形象設計師郭慶彬等紛紛到場祝賀壽星女，丈夫Brad更應記者要求親吻Ana面頰三次，非常恩愛。身穿Tube Dress的Ana表示很喜歡照顧小朋友，還透露自己早前已購買懷孕保險，因保險需供滿一年才生效，故打算來年才生B：「個保險包晒生BB嘅所有費用同住院費等等，不過我發現好難搵醫生，加上我想搵女醫生，所以依家仲搵緊，」
老公鍾意女
問Ana想生仔定女？她說：「留畀神決定，邊樣性別都開心，不過我老公想生女，（生一個就夠？）其實我想生五個，不過喺香港養太貴，我細佬啱啱喺上兩個星期生咗第五個小朋友，佢依家有四個女同一個仔，我真係好妒忌，不過我應該只係生一個。」她又笑言自己在公司常常照顧比她年紀小的模特兒，發揮了母愛。
Ana續透露已於正日生日與丈夫前往四季酒店的日本餐廳用膳，還表示Brad為她送上驚喜。問到收到甚麼禮物？她說：「佢本來想送iPhone畀我，但佢冇時間去拎，依家訂咗。（生日願望係咪生B？）要等12月先，因為我哋要去好多旅行，12月會去韓國，因為我媽咪60歲生日。」
文：名人組