李明憲中韓mix 演．唱冇難度

近年大吹韓風，莊思敏經理人公司旗下新人李明憲（Aki）是中韓混血兒，並在日本讀書，故此精通廣東話、日語及韓語，他曾參與電影《盜賊門》演出，曾與男神金秀賢合作。不過，他笑言：「我心目中男神係金城武。」Aki擁有182cm模特兒身高，除了拍戲外，還是唱得之人，可謂瓣瓣掂，他說：「我唱歌由細唱到大，以前經常喺日本街頭表演，參加校際唱歌比賽亦攞過獎，但我係二奶命，次次都攞亞軍，之後參加亞視嘅亞洲星光大道入行，喺亞視做咗兩年，做過好多唔同節目，基本上早午晚都有我份，都係一個幾好嘅訓練。」Aki曾拍過不少劇集及電影，他稱由於外表給人感覺較cool，所以經常飾演殺手及犯人，他笑言：「其實我鍾意拍笑片，我個人幾好笑，不過外表睇唔出，我都想試下做啲精神分裂嘅角色，覺得好有挑戰。」