車車攻台覓食 獨愛厚多士
藝人車車（張紫櫻）最愛享受美食，不論親自入廚煮嘢食，抑或捐窿捐罅搜尋人間美食，車車都樂此不疲，一份「尋味」態度嚴謹又認真。
車車指早前專誠一試台北一間知名台式吐司（多士）店，她說：「喺Facebook見朋友食過猛讚，於是一個人都去試下，餐廳每枱都成雙成對，因為佢哋啲吐司大到一個人一定食唔晒，我最後只食到三分二咋，不過個吐司真係好好味，連個心都好脆口，口感好好，同埋佢哋啲草莓（士多啤梨）做得特別好味！」之後車車曾在香港品嘗類似食品，但她稱：「都係唔夠台灣原版咁正宗、咁地道、咁好味。（下次再去台北食過？）咁又唔一定，唔係因為佢出咗咩問題，而係因台灣實在有太多好嘢食啦！」
