官恩娜被撳鐘集郵

歌手官恩娜（Ella）昨晚現身銅鑼灣街頭出席萬聖節活動，與5米高的巨型骷髏木偶在鬧市巡遊，更不忘親自派糖給小朋友。談到萬聖節難忘的經歷，Ella透露試過有不認識的人「撳門鐘」索取簽名及合照：「我都嚇窒咗，平時都係拎糖，應該係鄰居同佢啲朋友，但係我就拒絕咗，我又着住屋企衫，覺得私隱好似被侵犯咗咁！」Ella又自爆好恨拍鬼片，對着鏡子扮被嚇到的樣子，但坦言不想扮鬼：「如果唔係就浪費咗我多年對鏡扮驚個樣！好似李心潔拍《見鬼》咁，好出色！」問到男友怕鬼嗎？她笑言：「唔驚！佢都成日見到我無化妝個樣！」