楊秀惠獲欽點 胸猛獻鬼
陳豪、田蕊妮、胡定欣、楊秀惠等趁昨日萬聖節，為新劇試造型。其中以鮮紅色低胸裝火辣現身的楊秀惠，更獲監製指明要騷身材，她事先張揚於戲中會以穿泳衣上陣。而自言喜歡集郵的田蕊妮，笑言劇中與對手陳豪會有接吻戲，但保證不會趁機「伸脷」！
藝人陳豪、田蕊妮、關禮傑、胡定欣、楊秀惠等人，於昨日萬聖節為無綫新劇《鬼同你OT》試造型。楊秀惠以一襲鮮紅色貼身低胸裙亮相，露出三吋事業線十分搶鏡，她指戲中每套衫都會很貼身和性感，她說：「監製話一定要騷出我會有嘅嘢，我都要努力去夾（胸）。」她還透露戲中會以泳裝亮相，至於是否三點式泳衣，她說：「未知喎，相信會係型同靚。多謝監製畀機會我，發掘另一面。」她自言會準備私伙靚bra和胸墊上陣。
預產期前拍完
而田蕊妮表示戲中會與對手陳豪有接吻戲，自言是喜歡「集郵」的她仍未集到陳豪，故相當期待。問到拍接吻場面會否趁機伸脷，她笑說：「電視尺度唔得o架！」問到陳豪是否很期待與田蕊妮接吻，他則表示：「已經過了期待的時期，演員只是需要拍到最好嘅效果。不過我會主動報告給太太知，呢個係向對方的尊重。就算結婚前我哋都會講得好清楚，佢拍接吻都會同我講，大家透明度好高。」他表示太太預產期已完成拍攝，一定會安排好工作，與太太迎接新生命來臨。
胡定欣拒暗戀
另飾演女鬼的胡定欣，於劇中上田蕊妮身，去愛已暗戀十年的陳豪，胡定欣表示現實中不會發生，因自己會很快向對方表白。另外，陳豪前晚出席電影活動時被問到日後會否在大銀幕裸露演出，他說：「其實我外表open內裏好保守，避得就避啦。看需要到時都有膽量做嘅，不過要事前通知太太。（接受太太性感演出？）支持嘅，最多自己唔睇費事眼冤。」
文：影視組