張智霖樓迷心郁進軍巴黎
張智霖昨日以「cool魔」型仔機師造型與黃翠如出席愉景灣活動，兩人還乘坐馬車進場，甚有排場，他稱有意參觀附近樓盤，並自認樓迷，愛睇樓：「唔一定買，只係欣賞吓同研究吓個樓巿走勢，都幾有趣。（鍾唔鍾意買樓作投資？）中國人傳統思想係買磚頭，我都有興趣。（手上有幾多物業？）少少啦！（想喺世界各地置業？）任達華就係囉，佢係我嘅目標，以佢為榜樣，最想喺巴黎買樓。」
祝阿佘幸福快樂
而Chilam與阿佘於2001年拍攝劇集《十月初五的月光》時傳緋聞，兩人將在電影版中再續戲緣，對於最近有傳阿佘與鄭嘉穎舊情復熾，Chilam笑謂：「呢個咁八卦嘅新聞都問。（你有咩答案？）祝佢幸福快樂。我同佢嘅電影差不多開工。（阿佘話睇劇本感動到喊？）劇本需要投入去研究，我要睇多三幾次先。」
黃翠如驚喜慶生
另外，日前生日的翠如BB透露正日與朋友及家人慶祝，因男友蕭正楠要開工，但生日前後也有陪她，禮物方面，她保持神秘地說：「送咗可愛嘅禮物。（佢畀到驚喜你？）有，因為諗住佢要開工嘛﹗（加分？）OK啦！」
至於佘詩曼昨日出席善慈活動為家境貧困的病童籌款，提到身邊的好姊妹均擁有美滿家庭，問她會否心急拍拖及是否已有追求者﹖她說：「邊有咁講過，以工作為主。（唔心急拍拖﹖）依家籌多啲錢，幫小朋友先，大家都知好心有好報。」阿佘昨日不單出力又出錢籌款，如此善心相信會在愛情上有所回報。
文：名人組