謝安琪嫌老公油 拒玩震波猜枚
歌手謝安琪（Kay）有份客串老公張繼聰主演的新劇《老表，你好hea！》，不過Kay嫌經常爆肌的老公「油淋淋」。身材豐滿的她卻自嘲是「零波人」，拒絕與阿聰玩兒童不宜的另類遊戲－「震波猜枚」！
謝安琪與樂隊Dear Jane昨日出席「HMV慶祝開業20周年」慶祝酒會，身穿貼身裙、黑絲襪的Kay在台上唱出新歌《獨家村》，並與HMV一眾高層主持切蛋糕儀式，獲大會派出靚仔員工送上鮮花。
由於張繼聰近日在無綫新劇《老表，你好hea！》中，以胸肌「震波」猜枚。司儀不禁在台上笑問Kay可有與老公玩這種另類遊戲？向來是有料之人的她笑言：「我呢方面好缺乏，唔係人人都得，需要家長指引，我媽咪就冇指引我啦！」
唔介意重口味
在訪問期間，她表示有份為《老表》客串，對於阿聰在劇中不時搽油晒肌，Kay竟大表嫌棄：「佢呢啲唔係性感，而係『油淋淋』，長期都成身油。佢冇搽過畀我睇，但我覺得佢今次係為藝術而豁出去。」提到阿聰與韓馬利有「重口味」情節？Kay說：「大家都尊重彼此嘅工作，當佢有一啲『高難度』演出，都會事先同我講。」剛推出新碟的她指銷情理想，已連續四周高踞銷量榜冠軍位置，現正趕緊加印。
賣關子玩閃婚
另外，Dear Jane表示在11月將會推出新碟，今次封套會設計成一疊情信。提到主音Tim與女友楊洛婷傳出婚訊？Tim大賣關子說：「唔係真，亦唔係假，唔想透露，想保持神秘感。但如果他朝一日，我娶到老婆，都一定會搵佢哋（隊友）做兄弟。」
文：音樂組