黃子華被澳門粉絲 搞到黐線
【陳奕龍澳門直擊】黃子華前晚在澳門威尼斯人金光綜藝館演出一連兩晚的《唔黐線 唔正常》棟篤笑澳門站頭場，大講有別於香港騷的搞笑gag。然而疑似口快快的子華以為自己身處紅館：「如果吐痰唔係要罰二千，咁去紅館睇show……好似呢度咁大啦，唔使行落嚟，跣落嚟就得。」
愈睇愈high的澳門觀眾不時興奮大嗌，終於搞到子華投降：「你哋真係連耶穌死都有假放？係咪o架？咁我搬嚟澳門住，澳門破晒我所有concept，真係另眼相看，反應同我完全唔同，犀利！正常人唔係咁，我畀你搞到黐咗線。」說罷瞓台扮暈。散場前子華又搞笑說：「你唔好Respect don't drink drink punish，敬酒唔飲飲罰酒！Under sky no dinner no finish，天下無不散之筵席！」令觀眾拍爛手掌。散場後，多數觀眾給予好評，更有觀眾特別喜歡下半部專講感情。